Senatur omomandu’a ojehecha hag̃ua umi agencia de turismo oĩpa ramo Registur-pe ojepaga mboyve

Agencia IP.- Tapichakuéra oñepyrũma hína oho ambue tendápe ñane retã ypýpe térã ambue tetãme temporada alta rehe. Upévare, Secretaría Nacional de Turismo (Senatur) omomandu’a tuicha mba’e ojehecha umi agencia de viaje orekópa habilitación, ojejapo mboyve reserva térã ojepaga mboyve seña.

Registro Nacional de Prestadores de Servicios Turísticos (Registur) ha’e pe tenda ojehecha hag̃ua peteĩ agencia orekópa permiso omba’apo hag̃ua ñane retãme. Ko’ápe ikatu oñema’ẽ pya’e ha hasy’ỹva.

Oñecontrata ramo umi agencia ndorekóiva permiso, ikatu nembotavy hikuái. Upévare, Senatur ojerure tetãyguakuérape toho umi empresa orekóva registro-ndi, hi’añetéva ha iporãvéva.

Nembotavy ramo, ikatu emombe’u mba’épa ojehúva portal oficial-pe. Senatur omoañete jey pe ñe’ẽme’ẽ orekóva omokyre’ỹvo turismo hiañetéva, iporãva ha hekojojáva Paraguáipe.